| PreDentist's profile(¯`•.¸ღ (¯`•.¸ღ مـ ـ ـلا...PhotosBlogLists |  Tools  Help |
An error occurred loading this module.
|
(¯`•.¸ღ (¯`•.¸ღ مـ ـ ـلاذ فتـ ـ ـ ـاة ღ ¸.•´¯)ღ ¸.•´¯)ღ منذ اللقاء أرى عينيك تسألني ,,,, هل الرحيـل غداً أم أنه الآنَ ღ
14 April T!mE CounTerDown
مرحبااا كيفكم؟ المهم، لقيت شغلة مرة لزيزة و قلت ضروري اضيفها اللي هية كاونتر داون لنهاية الترم الطويل و الثقيل دا لاحظوا اخترت ترمومتر لأن الترم الفزيع دا جابلي المرض
يلله c u mwa mwa 26 March hey !!مرحبا كيف الحلوين ؟ وحشتووووووووووني
بس كإنه طلاتي نوعاً ما كترت ، صح ؟
المهم
حاجات كتير كتير سارتلي اليومين اللي فاتت
منهم إني و مجموعة من القروب منظمين رحلة لدار الأيتام هنا و كل شي مجهز و البنات مجهزين مسرحية و حاجات جدا لزيزة بس لأسباب خفية و دوافع غير معلومة انقلبت الرحلة إلى نكد ( طبعا فقط لقروبي السعيد ) و سارت حاجات كبيرة بين الـ doctors و البعض إن شاء الله نتئطع حتت بس ضروري تجي موافقة من الـ vice dean و أشياء above us !!
المهم مع إنها انقلبت نكد بس و لو إننا متأخرين وصلنا للدار و جلسنا فيها ساعة و نص يمكن بعد ما كنا مخططين لجدول من النشاطات و كل شي طبعا سار ملخبط و مش مزبوط بالزات معاية لأن أغراضي و نشاطاتي ضاعت و الصغار ثاروا علية و انقلب المشهد حولي لبكاء و يا أبلة أنا ما أحبك و أشياء جدا كبيرة جرحتني صراحة
بس whatever انا محتسبة دا كلو عند الله و إن شاء الله انبسطوا الأولاد معاية رغم كل حاجة
اليوووووووووم جاتني مريضة كنت قاعدة أدور عليها من أول السنة و لما بدأ الترم هذا وصلت معاية للشحاتة و بلييييييييييز أرجوكي أتوسل إليكي وافقي إني أسويلك طقم أسنان كامل راح افتحلك و لبناتك و بنات جيرانكم ملفات بس نوريني في العيادة ... إلخ وصل موضوع الشحاتة لجدة و بعض المرضى اتبرعوا انهم يجوا بشرط أسويلهم الطقم في يومين خخخخخخ على بالهم إني بأطبخ وليمة و أخلصها بالراحة فيومين و الدعوة تاخد أكتر من شهر و نص
المهم ,,, المريضة اليوم بأدلعها أي دلع ؟ شي شي صراحة زفيتها زي العرايس من باب الكلية لحد الدور التاني و لعيادتي و كمان اشترطت علية كرسي بعجلات لأن مافيها تمشي قلتلها انتي بس تأمري و طيران و الكرسي جاهز جنبها و أبغى لون الأسنان كذا و كذا قلتلها يا خالتي إنتي راح تختاري كل شي على خاطرك بس رضاكي الله يخليكي هههههه لا و الأهبل من كدة إني أنا اتورطت أبغى أدف الكرسي، و طبعا الكل يعرف إني راعية فلة فجلست في البداية مسرعة و أفحط حبتين بعدين حسيت إنه فيه شي مش مزبوط لما لقيت المسكينة متشبثة << كلمة معبرة متشبثة بالكرسي و ماسكة المساند و تحوقل و توحد الله هههههههه بعدين لما وصلتها لبرة و أنا مصرة أوصلها بالكرسي لباب السيارة و انا طالعة الشارع باللاب كوت و الغطا الملون و مرررة فري ههههههه لا و أحلى حاجة الزحليقة حقت العربية كانت بصراحة جدا نازلة و مني عارفة اعمل كنترول ههههه حاسة إن الكرسي عامل زي الطلقة و انا بأحاول أسحب و ماسكة أعصابي عشان ما أخوفها و أهمس أو بالأحرى أصوت لصاحبتي بليز البرييكس وقفيها اسحبي البرييييييييييك و انا بنص الموقف اتخيلت لو فلتت العربة و خبطت بالسور و تطير الحرمة و تهبط وسط الشجر ولا تنزل بوسط الشارع و السيارات طايرة و يسير فيلم هندي بجد بس الله ستر !
ما علينا .. ادعولي بس ترتاح معاية و نكمل شغلنا مزبوط من جد شايلة هم الآدمية ، طيبة و محترمة و ما بتتشرط و تتعبني
كتمت أنفاسها اليوم و أنا آخد الطبعة حقت فكها بس صبرت و لا قالت شي مع إنه وجهها سار كللو ملخبط بالمواد الأورانج و أنفاسها مكتومة كتم
الله يحفظها يا رب و يطول بعمرها
آآآآآآميييييييييييين
و كمان ربي يوفقني عندي اختبار الأربعاء و اختبارين الاسبوع الجاي و اختبار أوووووووووووورال مرعب السبت اللي بعده << هذا زي لجنة الإعدام كل وحدة و حظها تختار لجنة و ربما يطلع حظها مع لجنة الموت و تجلس قدام ثلاثة لا تعرف قلوبهم الرحمة و يسألوها أسئلة مخيفة ورا بعض لحد ما تنهار و تتشنج و يا حبذا لو دموعها سالت مترافقة بنحيب مرتفع عشان يتركوها تطلع من اللجنة هذا مع العلم إن المادة مو صعبة إنما قمة في التعقيد ، ما علينا أهم شي التوفيق من رب العباد
يلله حبايبي
C U Mwa Mwa 14 March St!LL BrEaTh!Ng ;)مرحبااااا 
أهليييييييين ... عاملين إيه يا قمامير؟ أنا عارفة إنتو ميتين عشان تعرفوا أخباري بس any way مافي حاجة جديدة
من جد long time من آخر مرة دخلت ع السبيس كللو as usual التغيير الوحيد إن سرت specialist أكتر في الشغل
و كمان زي منتو ملاحظين لساني مرة اتعود ع الـ language ههههههههههههه والله مو مني و لا عشان فشخرة بس بكوز الدكاترة طالعة عندهم موضة إنو ما يردوا عليك إلا إزا التكلمت ك بروفيشونال و البروف طبعا ما يتكلم إلا إنقلش ، بيووووووور ساينتفيك إنقلش <<< pure scientific English
إممممم ما علينا السبت اللي فات عملت أول ضرس ( يعني سن بتلاتة جذور ) كعلاج عصب و كان من جد مرة مرة مررررررررررة لزيــــــــــــــــــــــــــــــــــــز شكلو مو زي أي سنة عملتها من قبل كإنو عامل تسريحة funcky كدة ههههههههههه
طبعا صورتو و الصورة مرفقة في آخر الصفحة ، بس مش واضحة كتير ناوية اجيب كاميرا مايكرو عشان الشغلات دي لأن من جد فيه حاجات جدا لزيزة للتصوير <<< اللي يسمعها يقول صور ورود و دباديب و قطط و حاجات نعومة ! طيب أعمل إيه ، هوة دا اللي بشوفو كل يوم و غصبن عنكم ترضوبو بس من جد كفاية تعليقات في الجامعة سو مافيش لزوم لتعليقات و تريقات و كدة ترى من جد ما اتحمل
خلاص خلاص ... ما راح أخرب على نفسي و أعصب دلوئتي أصلو سرت مرة مرة عصبية من الضغط
بس لما تجي مريضة مثلا و تتصرف كإني أشتغل عندها أو تتحكم بي ... مرة مشكلة يعني ما خلصت من اضطهاد الدكاترة عشان تجي المريضة و تستغلني كمان
المشكلة إني ما زلت أحن على المرضى مع أن بعضهم مفروض الواحد يكون حازم معاهم، بس أهم حاجة إنهم يحبوني البنات اللي يجوني و يكلموني من طرف خشمهم على طووووووول ألغي الموعد و لو إني محتاجة موت لهم بس كلوو إلا كرامتي صراحة ، عالأقل الدكتور بيدوا درجاتي ، همة يشوفوا نفسهم ليه؟
أكيد ما ينلاموا لأنو د.دوومزي بتشتغل معاهم
خلاص بس مني مطولة ، أي نو إنو لما البلوق يطول راح يتفش القاريء سو أنا راح أوقف هنا و أكمل مرة تانية و عندي أوووه قصص بالكوم و حركات بس استنوا علية شوية أروق لكم
خلاص الحمدلله الاختبارات شوية مطولة<<< مطولة يعني بعد اسبوع عندها اختبار
يلله حبوبين
c u
 30 November I'm getting up againمرحبا
عارفة الي قد يكون متابع السبيس بيلاحظ الفترة الفاصلة بين آخر دخول لي هنا
معليش ... هكذا هي الدنيا .. تعب و شغل و جري
i dunno
انا دحين مش مركزة كتير
دوبي راجعة من دوامي الميمون
و كانت عندي مريضة اللهم يا كافي الشر و دافع البلاء
مافي داعي أشرحلكم عنها شي .. يكفي إني أخبركم إني اعرف ايش الوجبات اللي أكلتها من فترة أسبوع لليوم
never mind
أنا اللي حطيت نفسي في المجال دا
اليوم عملت بريزنتيشن
إنما إيه
ناوية أنزل نسخة منه هنا في حال أحد من الأخوة يبغى شي جاهز و متعوب عليه
إممم
في الفترة الماضية شغلات كتير حيوية صارت في حياتي
بس
i dunno
من جد مني مركزة بتاتا
بغيت أصور الإبر و الأدوات و كدة بس خفت أسبب رعب للي حاب يمر هنا في أمان الله و يتفاجأ بالمنظر
بالإضافة إنه مقارنة بصور سبيسات البنات الكتاكيت
مرة غير ملائم إني أحط صورة إبر و دم و ملاقط
ترى انا برضو كتكوتة و كول بس الزمن سوا فية كدة
c u يلله
mwa mwa 15 September مـ ـرحبـ ـ ـايا هلا و غلا فيكم .. أسفرت و أنورت
كيف بس ؟ عساها بداية موفقة للدراسة
 عن نفسي كانت بداية جداً جداً مشحونة ... و ما بقدر ادخل النت و أشوف آخر الأخبار إلا فيما ندر
كما تعرضت لإصابات متفرقة من الشد العضلي و حساسية الأنف و انعدام الرؤية المؤقت
بس نقول الحمدلله .. هذا ما جنته علي يداي و لا أحد جبرني على الهم هذا و هذا اللي مرضيني
أول يوم كان جدا مضغوط و بدينا نفس الشغل اللي نهينا فيه السنة ، يعني ما انتهى اليوم إلا و الإجازة كانت في خبر كان و اتمنيت انها ترجع رغم إني مليت من الفراغ ! و رجعت البيت الساعة 5 و نص و أنا منهكة تماماً بالإضافة للإصابات السابق ذكرها و كمان الدوشات اللي أخذتها هناك .. مو بس تهزيء خفيف كمان دوشات مائية جميلة جداً خلت صاحباتي يركضوا بعيداً كل ما قربت من حوض المعمل . و للنحاسة كنت الوحيدة اللي يفيض بيدها و لو كان فاضي و نظيف .. بس فيه علة
تابعت باقي الأيام بنفس الطريقة
و يوم الثلاثاء ،، مر بهدوء و سلاسة و دخل دكتور آخر محاضرة و نحنا مكلمين أهلنا ياخذونا بدري لأنو خلاص مو معقولة فيه عيادة من أول يوم
و بدأ شرح (اللي عبارة عن فيديو بسيط عن كيفية تعبئة إبرة التخدير و حقن المريض) و مرة عادي و لا ربع ساعة يعني و نحنا مش منتبهين تماما كل منا في الدكتور الجديد و نتسائل بين بعض عن اسلوبه في التعامل وطفى البروجيكتور و طبق كومبيوتره و يقول : يلله يا بنات بسرعة عشان نلحق تجربوا في بعضكم الابر .. انا متوقع من الشرح هذا إنكم خلاص استوعبتوا الموضوع ..
كل وحدة مننا فتحت فمها بالطول ... هاااااااااااااه ليش اليوم ؟ ! و بما ان الدكتور يقال إنه صعب شوية فمحد اتجرأ يعترض
و تم جرنا إلى العيادة كقطيع خراف و كل وحدة اخدت وضعيتها و تم بحمد الله ،، و طبعا لأنه برضو حظي مرة حلو كانت رفيقتي ممتازة في الابرة بس طبعا الدكتور ما كفاه قطرتين من المخدر .. لا لا احقنيها مرة ثانية و زيدي .. و خلوني اطلع و انا فاقدة الاحساس تماما بنص وجهي الايمن بس الحمدلله
ارفقت لكم كم صورة من أيام المعمل عشان تشوفوا الكركبة اللي مسوينها
و نشوفكم على خير و بحاول اوريكم اكثر
mwa mwa
09 September ســ ـ ـفـ ــر
أنا و هو .. كمسافران في قطار العمر يلتقيان في محطة واحدة يتصارحان .. يتحابان .. ثم يفترقان و لدمعهم طعم الرحيل المر
غريبان التقيا .. و في عينيهما تختلف الوجهات غريبان تآلفا للحظات ثم عاد كل منهما لغربته و لا يحمل للآخر سوى رائحة عطر و صدى الضحكات
و قلب تعتصره كلمات لو باحت بها الشفاة تاهت الغربة و نبت في صدر كل منهما وطن
05 September إضافات جديدة في سبيسي المتواضعمرحبا
اليوم أضفت رابط لمراسلتي الشخصية إحم إحم .. عشان تسعدوني بآرائكم و اقتراحاتكم و إيش اللي تحبوا أحسنه أو أضيفه للسبيس
و كمان تصويت
 بليز أبغى الهمة في التصويت عشان خاطري أنا الحبوبة الطيوبة أساساً أنا عارفة إنتو من أول تستنوا أضيف التصويت
خلاص أهو عشان خاطركم و عشان أفرحكم أضفته
 .. يلله صوتولي مو عشان السبيس الخطير تبعي < يا شيخةعشانو بس أخد وقت حتى أسويه
مو راضي ينعدل بانر التصويت جنب بانر المراسلة
اللي عنده فكرة كيف ينحطوا مع بعض يقوللي لأنه منظره يرفع الضغط كدة و هوة مايل على جنب
يلله نشوفكم
mwa mwa
 04 September :s no commentمرحبــا
أووف اليوم يعنني باتعلم شغلة خطيرة و أتفنن و ألعب بالسبيس و أغير الألوان
لا إله إلا الله
 طلعتي 10 قرون بدل قرنينأول شي من بطء الجهاز
ثاني شي من لخبطة الألوان
ثالث شي خفت أحد يخش السبيس و هوة مقلب و مشخمط من الألوان اللي هببتها
 <<عاد مصدقة إنو الناس داخلين طالعين من سبيسها خخخخ
المهم .. رجع السبيس زي ما كان و أصلحنا التلفيات
 تعرفوا .. أبغى أجيب بسة بس بابا مهو راضي .. يقوللي مافيكي تشيلي هم نفسك كمان تبغي تجيبي حاجة تعذبيها زيك
ماني عارفة بابا ضدي كدة ليه ؟
 ليه بس ؟بس من جد أنا لو طفشت منها إيش أسوي فيها ؟ ساعات ما أطيق نفسي من الضغط كمان ناقصني شي ينونو يبغى
حنان و أنا محتاجة حنان أكتر منها
 خخخخخيلله سي يو
mwa mwa
 <<< دي جاية عرض .. بس ما أدري عجبتني .. حسيتها فشت خلقها بالصحون
يا ما نويت أسويها بس خفت أحد يفش خلقو فيني بعدين
خخخخخخحوار بين ذكر و أنثىقال لها ألا تلاحظين أن الكـون ذكـراً ؟؟
p.s : أكيد أكيد طبعا زي ما تعرفوا الموضوع ملطوش طبعا على الرغم من أن الجنس الآخر ساعات يكون ثقيل دم شوية :) و ما نقدر نفهمه أو نوصلله اللي ببالنا بس نتفق إنو الاثنين يكملوا بعض و مالهم غنى عن بعض رغم كل الاختلافات في وجهات النظر
انتظر تعليقاتكم mwa mwa باي 03 September شوفوا ايش لقيتسلام
أما اليوم جلست أتأمل زرعتي اللي في الغرفة <<< مو منها من الفضاوة و الله
و لقيت فيها شي زغينون في الطرف
قلت إلا أوريكم ايش هوة
بس كيف ؟ شي خطير مو صح ؟؟ <<<< و الله من الفضاوة
لا بس اتذكرت مجلدات ميكي كنت أحبها و بطوط كان يحب يجمع الشي هذا ابو 3 ورقات لنه يجيب الحظ << يا شيخة
أدري فضاوة ... بس خلاص قربت الاجازة تنتهي و إن شاء الله أغيب و تشتاقولي << أها
يلله إذن
نشوفكم
mwa mwa hiمرحبا
كيفكم ؟ إن شاء الله بخير << مصدقة إنه فيه أحد يتابع سبيسها
المهم
لي تقريبا اسبوعين حاسة بكمية كبيرة من الشحنات السالبة تدور في دمي و كمان تنتشر في الجماعة القريبين <<<يا لطيف تخيلوا الوضع !!
من جد أحس بكمية من العصبية مسيطرة على الأجواء عندي
ايش السبب ؟؟ استر يا رب !
الحمدلله بس على الصحة و العافية
ماني عارفة بس سبب هالركود العجيب في حياتي .. يمكن لأني ما اتعودت على الفضاوة
و فوق كدة أنا روتينية بس من النوع الملول .. كيف تجي ؟ ماعرف
بس إنو أحب يكون عندي نظام معين انجبر عليه في حياتي بدل ما أكون عايمة كدة و مع هذا أحب أغيرروتيني دايما عشان ما أطفش
بهالسنة مثلا أنا قمت على غرفتي كل شوية أشيل شي و اضيف شي .. بالأخير قمت عليها كلها و بدلت هنا و زدت هنا
بس شغلة الغرفة أرحم كثير من أول .. دنا كنت أعمل في نفسي حاجات مش و لابد لما أعوز أجدد حياتي
اتذكر في أيام سابقة (الله لا يعودها) شعري اشتكى مني ! كل اسبوع قص و صبغ و حرق و لف ومادري ايش
بعدين اتجهت على نفسي .. و مريت بتجارب التسمير و الكريمات و الوصفات الشعبية عشان اتسلى<< مرة شالت عود من الصبار اللي بحديقة الحوش و هات يا فرك في راسها و جلست 4 ايام تستحم كل ما سنحت الفرصة عشان يروح
و في مرة اخرى من المرارير مريت بحالة جداً ما تنوصف .. لدرجة إني خلاص صممت أهج من الرياض بكبرها عشان التغيير و من جد عزمت و بابا بغى يكلم ناس عشان ينقلوني جدة و .. إلخ
ماني عارفة .. أحس إني ممكن أكون حساسة زيادة عن اللزوم
أو إني أشيل بصدري فوق ما احتمل
أحلى شي اسويه و يروح كل الضيق إني أروح المدينة و أجلس فيها كم يوم ما أفارق الحرم
سبحان الله تهدأ النفس بالروحانية و من جد أنسى كل شي تافه اعتبرته بلحظة من اللحظات محور حياتي
هاليومين حفظت بيت شعر أقوله كل ما ضاق صدري لسبب ما
إذا النفس اللي تبكي الأشياء ذاهبة ...... فلا تبكي على شيء إذا ذهبا
على العموم
يا ربي ما تنزل ضيقة على أحد و ما تضيق على أحد إلا تفرجها بقدرتك
أشوفكم بخير 31 August So damn true !!!
WeirD!!!!
deep inside i knew that am a bit weird,,, but 40% is a lil huge LoL
28 August Qoutes !!!Hiiiiiiiiii !!مرحبااااا
مادري طولت عليكم الغيبة ولا لأ <<<< يا شيخة اسكتي هو أحد داري عنك هههههه
الصراحة الصراحة أنا مشغولة هاليومين
بسوي ترتيبات جديدة بغرفتي
بوية و سرير جديد و صوفا و لمبات إلخ إلخ
حتى الكمبيوتر خدفته برة الغرفة عشان اتوسع
بصراحة أول ما كان فيه محل أذاكر و لا أرتاح
إذا بذاكر أو ارتاح أو إن شاء الله آكل عندي سرير يناموا عليه 4 بجنبي
و طبعا لكم أن تتخيلوا المذاكرة بين المخدات و الدباديب و اللحف <<< و تقول يا ربي ليش أنعس وقت المذاكرة .. أكيد أكيد عين
 ((دخيـــــــــــــــلك )) هههه بس والله وناسة .. شي انشغلت فيه شوية
مع إنه من زود النحاسة حتى الفوتوشوب له اسبوع معلق ما يفتح و خلاص جنيت من الملل
بسرعة نزلت على جرير و يلله لمي من هالكتب و القصص
و يلله لمي أسنان مخلوعة من العيادات و هات يا فرك و تغطيس في الكلوركس
 من جد يا محلى وقت الفراغ عنديلا و سويت بعد سيديهات صور و أغاني
ما بقى الا أفتح استوديو تسجيلات
لا و كمان جهزت شنطة الجامعة و اقلامي و كراستي و شراب و بوت أول يوم هههههههه << ترى عتيقة بالجامعة بس تحب تجهيزات أول يوم
لا و من زود الفضاوة كمان بغيت أمر على الكلية أعمل راديوجرافز للأسنان اللي مجمعتهم و أجيب بلاستر و أرصهم
استعداداَ لأول محاضرة الساعة 8 صباحا
كنت ناوية أسوي مانيوال بس لاحظت دحين إن الدراسة بقالها اسبوعين بس و أنا ولا على بالي الا الشنطة و بوكس الاسنان ههههههه
ما علينا
بس دعواتكم .. مو لي و بس
للمرضى اللي بيشرفوا عيادتي الميمونة ههههههههه و الله من جد قلبي حارقني عليهم  ، أكيد مهما سووا بحياتهم
 ما يستاهلوا أوقف على راسهم هذيك الوقفة
يلله بس كلامي صار كثيييير
أشوفكم على خير .. مع إني أشك إن فيه أحد يدخل سبيسي هههههه17 August بانتظـ ـ ـ ـ ـرغبت أبي أشوف قدري و غلاي ..
بس ..
غيابي يمر.. و أنا يحرقني الجمر .. ما ألومك يا غلاي ..
(( غلطتي ))
إني أحلم و انتظر .. إنه وجودي ينذكر ..
... بس بانتظر ... و انا احترق ، و طيبي يفوح كما العود فوق الجمر ..
بس .... رجيـــــتك .. لا يسبقني الوقت و يمر.. و اصبح رماد ماله ذكر ..
15 August الحمدلله على سلامتي مرحبا
 الحمدلله شخصي الكريم رجع من رحلته الميمونة إلى جدة غير
 و برضو و لا أحد يعبر و لا أحد يسلم و لا يفتقدني معليش أهم شي إني رحت و انبسطت
مسامحتكم كلكم
 ايش أسوي قلبي طيب أما إيش سويت في جدة فـ مافي شي خطير
usuall الـ
ملاهي و مطاعم و اسواق لا جديد
بس الجديد علي هو هالتجربة اللي فقعت مرارتي بكل المقاييس
ألا و هي قضاء صيف كامل في ربوع السعودية و أغلب الصيف كمان في الرياض عشان
يحلا أكتر
بس برضو نقول لازم الواحد يمر بكل التجارب
 يلله لا راد لقضاء الله راح شهر و باقي شهر خلاص و نرجع للشغل تاني .. اهو الواحد
 يتسلى يلله سي يو 01 August إنا لله و إنا إليه راجعون
بسم الله الرحمن الرحيم )يأَيَتُهَا اٌلنَّفسُ اٌلمُطمَئِنَّةُ اٌرّجِعِي إِلَى رَبِّكِ رَاضِيَةً مَّرضِيَّةً فَاٌدّخُلِي فِي عِبَادِي وَاٌدخُلِي جَنَّتِي( لله ما اعطى و لله ما أخذ فلنصبر و لنحتسب عند الله مليكنا و خادم الحرمين الشريفين اللهم اغفرله و ارحمه و عافه و اعف عنه و أكرم نزله و وسع مدخله و نقه من الذنوب و الخطايا كما ينقى الثوب الأبيض من الدنس واغسله بالماء و الثلج و البرد و اللهم بارك لنا في خلفه و سدد خطاه آميــــن
31 July Incredible Quiz !!! مرحبا
أنا مرة حبيت هالكويز لأنه من جد واقعي و غريب لأبعد الحدود
من إجابتك للأسئلة راح تعرف نوع الآيسكريم المفضل <<<لأني فعلا أقدر الآيسكريم بقوة مو بس كدة ! كمان راح تعرف جزء من شخصيتك
Enjoy !!
What is your Icecream Flavour? 30 July Cool Quizمرحبا
قبل شوية جربت كويز مرة مرة حلو
للأسف هو باللغة الانجليزية بس جداً سهل و بسيط
و هذي نتيجتي فيه
خبروني بليز إيش طلع معاكم (اضغط على الصورة حتى تروح للكويز) انته و أناانته و أنا
مثل غيث و فلا
طلتك بشر
و كلي ينشد لك هلا
ღ فرقنا ღ
إن الأرض برشة مطر
ترتوي و تلبس خَضَار
و أنا بطلتك
يزيد الظما
و يسكنني شوق و مرار
ღ Got a Broken Heart ??? ღCan people really die due to a broken heart?  Sounds melodramatic, but a new study from Johns Hopkins University suggests that this situation can indeed be fatal. In their study of hospital patients, researchers found that emotionally traumatic incidents—like losing someone you love—can cause a surge in the body’s levels of stress hormones called catecholamines, which, when broken down, can produce chemicals that are toxic to the heart. The result: A health problem called broken-heart syndrome, which, in severe cases, can lead to heart failure. “At least five of the patients we studied would have died had they not sought treatment,” says researcher Ilan Wittstein, M.D., a cardiologist at Johns Hopkins. But relax: Not everyone who’s been dealt a bad blow by Cupid needs to rush to the emergency room. Heartache that’s truly hospital-worthy will bring on symptoms typical to a classic heart attack: You may have difficulty breathing, and feel pain in your chest or radiating down your left arm, says Wittstein. In other words, if you’re sitting there bawling on the phone to a friend or mowing through a pint of Ben & Jerry’s, your ticker’s probably in top form.
Still, if you’re in a tailspin over lost love (even if it’s not of potentially lethal proportions), there are things you can do to protect your health. Typical anxiety-reducing activities like exercise can help; you could also consider what we like to call “interval grieving,” where you give yourself 30 minutes once or twice a day to dwell on your breakup, vowing to move on to fun distractions (even if that’s just a Friends rerun) after the allotted time is up, suggests Holly Pedersen, Ph.D, a licensed marriage and family therapist and president of Talk Works. Finally, even if you’ve been dumped dramatically, it never hurts to remind yourself that there are upsides to being single, so write down three or more things you’re glad you can do, like “finally I can walk through an art museum at my own pace” or “now I can sleep on the whole bed rather than half of it, and hog the covers.”29 July BóõöRing ~!$%^*#
مرحبا إزيكو ؟ عاملين إيه ؟ <<< متابعة كم مسلسل ايجبشن في الاجازة عن نفسي انا مرة مرة طفشانة بس أحاول اسلي نفسي قدر المستطاع (أسلي نفسي و الدنيا تسلي نفسها فيني) و فوق دا كله ،، لي اسابيع ما جاني و لا اتصال و لا مسج من أحد. انقطع الموبايل من كم يوم لأني ضربت الحد الائتماني تبعي << حدها 500 ريال ((لأنها سبق و أخدت جوالها في السفر كذا مرة و ترجع فاتورة فلكية)) المهم قلت بس أحسن فكة عشان ماحد يشره لو ما اتصلت <<< يعنني عفريتة بس يا حظي أنا كل الناس اتذكروني اليومين دي .. اللي ما شفتها من سنتين و اللي من امريكا و اللي من لندن و اللي من ماعرف فين و على نحاستي ما الحق الا الـ miss call و أجلس ماسكة الموبايل بحسرتي : يارب يدق يدق يا رب لا و مع زود النحاسة حاولت ادفعها عن طريق التلفون ما رضى دقيت على 902 ردوا بعد ربع ساعة انتظار و يا هناية .. قاللي : أها تلفونك جديد ((حولته باسمها قبل شهرين)) خلاص قولي يا لييييييييييل ما اطولك <<< لازم استنى الين تشرف الفاتورة
أحس إنها خلاص حبكت دحين اكلمهم <<<< ما كإنه فيه وسائل اتصال غير الموبايل بس هوة ما فيني اطلع الرقم من الموبايل و أضغط الارقام .. تعب صراحة !! أقلكم بكرة باكتب موضوع يونس بس خلوني افكر ايش اكتب نشوفكم 28 July دا نوركم ولا نور الكهرباء !!!السلام عليكم و رحمة الله و بركاته
أتمنى إنكم بتقضوا إجازة صيفية سعيدة ... بالذات اللي يقضوها في ربوع بلادي على العموم أهم شي إننا كلنا بعيدين عن أسوار الجامعات و مكاتب العمل ارتحنا شوية من الضغط ! و ننام زي ما نبغى و نصحى بأي وقت يناسبنا .. صح و لا لأ ؟ المهم .. اليوم افتتاح ملاذي البسيط أتمنى أتمنى إنه ينال إعجابكم .. و أعذروه هاليومين يعني استنوا شوية و أموره بإذن الله تتعدل حياكم الله في ملاذكم، ونراكم على خير ...
|
|
|||||||||||||||||||||||||||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
<< لا دخيلك !
ههههه
بس أنا مرة عجبني و أكيد بيعجبكم كمان
Normal enough to know that you're weird... But too damn weird to do anything about it!
<>
Smooth and creamy with a few rough bits mixed in, you are a real treat! You are probably very popular amongst your friends. Remember too much of a good thing is not always good! Don't lay it on too thick!
بعدين بيخطروا على بالي ناس أموت أموت و اتصل اسمع صوتهم 
،، اليومين دي مخي فاضي من قلة الاستعمال و من الطفش (( اسكتي بس!
)) 
إذا ما كان قد المقام بس لسة دوبنا قصينا الشريط
|
|
%e1%83%a6+%c2%b8.%e2%80%a2%c2%b4%c2%af)+-+Windows+Live&referrer=){kind=small}
